مسلسل ياسمين تحب
الحقلة الأولى
ياسمين: ماما أنا رايحة الكلية
ميمى: طيب يا حبيبتى ماتتأخريش
ياسمين: ماشى
فاصل
خالد: صباح الخير يا ياسمين
ياسمين: صباح النور، إيه فى حاجة؟
خالد: إيه ده انتى اتخطبتى؟
ياسمين: أيوه
خالد: ده مين سعيد الحظ اللى خطبك
ياسمين: وانت مالك ثم أنا قريت فى كتاب بيقول إن البنت لو مصاحبة وهى اتخطبت لازم تنسى صاحبها وهو يشيلها من دماغه
فاصل
ياسمين: ازيك يا داليا
داليا: أنا كويسة، انت اتخطبتى ألف مبروك
ياسمين: مرسى
داليا: مين اللى أمه داعية له
ياسمين: كريم، وبيشتغل وكيل نيابة
داليا: انت طول عمرك محظوظة اتعرفتى عليه ازاى
ياسمين: مرة كان فى النادى وأنا كنت خارجة راح وقع ورق وكتب الكلية وبعد كده حبنى وانا حبيته
فاصل
ياسمين: يا دكتورة منى، يا دكتورة منى
منى: اوه، ازيك يا ياسمين
ياسمين: كويسة
منى: خير فى حاجة
ياسمين: عايزه أسأل سؤال
منى: اتفضلى
ياسمين: مش انت قولتى أن لو البنت اتخطبت وهى مصاحبة تنسى صاحبها خالص
منى: أيوه
ياسمين: بعد ما اتخطبت حسيت إن أنا بحب خالد أكتر من الأول هوه ده يبقى غلط.
فاصل
ميمى: أنا خايفة يا عادل أن كريم ما يسعدش ياسمين بعد ما يجوزها
عادل: مش الخطوبة تعارف
ميمى: أيوه
عادل: خلاص أول ما تيجى ياسمين نسألها وانا موافق إن هى تفسخ خطوبتها
ميمى: وأنا كمان موافقة ده حتى كريم مبينزليش من زور.
شادية: وأنا موافقة.
عادل: انتى مالك انتى خشى أودتك
شادية: حاضر
فاصل
ياسمين: مساء الخير
ميمى وعادل: مساء النور
ميمى: ياسمين
ياسمين: خير يا ماما فيه حاجة
ميمى: لو أنت حاسة إن كريم مش حيسعدك، خلاص تفسخى خطوبتك وأنا وبابا وأختك موافقين.
ياسمين: ده لما أحس وأنا لو حسيت حارميله الدبلة خلاص.
الحلقة الثانية
ميمى: يا حبيبتى يا بنتى بس ياعادل أنا حاسة إن ياسمين بتحب خالد أكتر من قبل ماتخطب
عادل: قلب الأم، أنا رايح الشركة اتأخرت
ميمى: ايه هو اللى اتأخرت شوفوا الراجل كل ماأكلمه فى حاجة يقول اتأخرت
فاصل
ياسمين: أنا خارجة
ميمى: على فين يا ياسمين؟
ياسمين: عند كريم فى النيابة
ميمى: طيب لو حسيتى النهاردة وأنت قاعدة معاه أرميله الدبلة على طول
ياسمين: متخافيش يا ماما باى
ميمى: باى
فاصل
نعمة: ألا أنت متأكد يا خالد إن هى اتخطبت
خالد: طبعا يا ماما وأنا شفت الدبلة بنفسى
نعمة: ورحمة أبوك الغالى إن ياسمين بتحبك وعايزة تفسخ خطوبتها من كريم
خالد: إيه ده إنتى عرفتى إزاى إن اسمه كريم
نعمة: عيب يا ولا أنا الشيخة والمعلمة نعمة
خالد: ربنا يخليكى يا معلمة نعمة
فاصل
نعمة: وممكن أقولك حاجة كمان، إن هى بتفكر فيك دلوقتى وعايزة تتجوزك
خالد: وإيه كمان
نعمة: و ياسمين دلوقتى قاعدة مع خطيبها وبتحس أن هو مش حيستطيع يسعدها وبتفكر فيك أكتر من الأول وبتحبك أكتر من الأول.
الحلقة الثالثة
شادية: ماما يا ماما
ميمى: عايزة إيه يا شادية
شادية: معندكيش نمرة خالد
ميمى: لا أختك عندها النمرة ثم إنتى عايزة منه ايه؟
فاصل
شادية: كل حاجة أنا عايزاها أنت وبابا بتزعقولى
ميمى: ده علشان عايزين مصلحتك، ليه بتسألى
شادية: علشان أقوله إن ياسمين بتحبه وأقوله المؤامرة اللى كريم بيعملها لياسمين
ميمى: مؤامرة ايه دى اللى بتتكلمى عليها؟
فاصل
شادية: مؤامرة إن كريم حيجوز خطيبته الأولى وأما ياسمين حايسيبها بعد مايخلص الفلوس اللى هو بياخدها منها كل يوم
ميمى: خطيبته الأولى، يعنى ياسمين خطيبته الثانية، أنا حكلم ياسمين مش خالد
شادية: لأ كلمى خالد على البيت مش ياسمين
ميمى: ليه مش ياسمين
شادية: علشان دى خطة ومش لازم ياسمين تعرف والخطة تفضل ما بينا.
فاصل
ميمى: عندك حق ………………… آلو أيوه يا مدام نعمة
نعمة: مين معايا
ميمى: أنا ميمى أم ياسمين أنا عايزة خالد
نعمة: طيب ثانية واحدة خالد، يا خالد
الحلقة الرابعة
خالد: أيوه يا ماما
نعمة: خد أم ياسمين عايزاك
خالد: آلو يا حماتى
ميمى: حما ………. بس يا خالد حاقولك على مؤامرة اللى بيتعمل من وراء ياسمين
خالد: قولى يا حماتى
ميمى: كل كلمة يقول يا حماتى يا حماتى، اسمع ياروح حماتك من جوه
فاصل
خالد: كل ده بيتعمل من وراء ياسمين لازم ياسمين تعرف
ميمى: لا مش لازم ياسمين تعرف غير فى الوقت المناسب والكلام اللى لسه قايلاه يفضل ما بينا OK؟
خالد: Okay يا حماتى
فاصل
نعمة: كانت بتقولك ايه؟
خالد: كانت بتقولى على مؤامرة كريم بيعملها لياسمين أنا لازم انقذها
نعمة: ماشى انقذها بدل ما أنت بتحبها وهى بتحبك أوى لازم تنقذها
ياسمين: مساء الخير
ميمي: مساء النور هـ حسيتى؟
ياسمين: أيوه شوية
ميمى: أصل أنا خايفة عليكى
ياسمين: من مين؟
شادية: لا ماما بتهزر
فاصل
ياسمين: تصبحو على خير
ميمى وشادية: وأنت من أهله.
شادية: ايه يا ماما مش احنا اتفقنا السر يفضل ما بينا
ميمى: مش قادرة يا شادية حاسة إن لازم أقولها
شادية: بس فى الوقت المناسب
الحلقة الخامسة
ياسمين: صباح الخير يا جماعة
ميمى: صباح النور
عادل وشادية: صباح النور
ياسمين: أنا رايحة الجامعة وهاخد كريم معايا علشان أعرف أصحابى عليه
ميمى (فى نفسها): أنا حاسة انها واخدة كريم علشان تغيظ خالد
فاصل
منى: مافيش فايدة برضه نفذت اللى فى دماغها
خالد: يعنى هى قاصدة؟
منى: قاصدة تغيظك
داليا: إيه مش تعرفينا
ياسمين: كريم خطيبى وكيل نيابة
فاصل
خالد: خالد وكيل الكلية
منى: ياسمين عايزاكى، ده بعد اذن الأستاذ كريم
كريم: لا مفيش مانع، مين دى يا ياسمين
ياسمين: دى الدكتورة منى دكتورة معانا فى نفس الجامعة، أيوة يا دكتورة
منى: بتحبى خالد؟ سؤال باسأله بتحبى خالد؟
ياسمين: أيوة بس ……..
منى: أنا هاقولك على حاجة
وفى هذا الوقت كانت ميمى وشادية تراقبان ما يحدث من وراء شجرة قريبة
شادية: إنتى متأكدة يا ماما أن انت كلمتى الدكتورة منى.
ميمى: أيوة متأكدة وشكلها بتقولها دلوقتى
فاصل
ياسمين: إنتى متأكدة يا دكتورة من اللى إنتى بتقوليه
منى: أيوة ده حتى مامتك كلمتنى امبارح، روحى خدى الميكرفون واعترفى أن إنتى بتحبى خالد وارمى الدبلة لكريم قدام الناس
ياسمين: حاضر يا دكتورة منى …….. ياجماعة ……….
ميمى: شكلها حتقولها دلوقتى
فاصل
ياسمين: يا جماعة فى سر وهو أن أنا بحب واحد غير كريم وداليا عارفة مين هو، هو راجل جدع، شهم، وبحبه من أول ما دخلت الجامعة و …….. أنقذنى أكتر من مرة وبيخاف عليا وهو كل حاجة فى حياتى زى ما أنا كل حاجة فى حياته والرجل ده هو ………… هو خالد وعرفت كل المؤامرة اللى كريم بيعملهالى، خد الدبلة يا كريم أنا أصلا مبحبكش، أنا لسة بحبه.
منى: بتعيطى ليه دلوقتى
ياسمين: دموع اختيارى
منى: أنتى بتحبى خالد هو هناك روحى له
ياسمين: بحبك
خالد: وأنا كمان
فاصل
ميمى: يا حبيبتى يا بنتى، أنا يسعدنى ويسعد عادل ويسعد شادية أن أنت تخطب لياسمين اللى أنا طلعت بيها من الدنيا
خالد: ماشى يا حماتى فوزية أنا هاخطب ياسمين النهاردة قبل بكرة
الحلقة السادسة
ياسمين: ليه مقولتيش؟
ميمى: خايفة عليكى ودى كانت خطة شادية قالتلى عليها، ياسمين انتى لسة بتحبى خالد؟
ياسمين: هو أنت فعلا هتقابليه أنتى وبابا؟
عادل: أيوه هاقبله أنا وأمك وأختك
ياسمين: يعنى أنتوا موافقين؟
ميمى: طبعا يا حبيبتى موافقين وطلما أنتى بتحبيه لازم تتجوزيه ده المثل اللى ماما زمان كانت بتعلمهالى أنا وخالتك وخالك
ياسمين: هما فين خالتى وخالى؟
فاصل
ميمى: هما اتجوزوا بس هما الاتنين عايشين برة
ياسمين: عايشين فين؟
ميمى: عايشين فى دبى
ياسمين: أنا عايزة اروحلهم
ميمى: تروحى فين انتى عندك جامعة لما تتخطبى وييجى أخر امتحان فى آخر السنة تبقى تروحى مع خالد.
فاصل
ياسمين: تبكى …………..
ميمى: مالك يا ياسمين بتعيطى ليه؟ ياسمين ياسمين ياسمين افتحى الباب، نفسى أعرف بتعيطى ليه؟
ياسمين: افتكرت موقف النهاردة
فاصل
ياسمين: صباح الخير يا منى
منى: ياسمين فى إيه؟
ياسمين: أنا عازماكى على خطوبتى أنا وخالد الخميس الجاى
منى: ألف مبروك يا ياسمين والله فرحتلك
فاصل
ياسمين: أنا آسفة على أن أنا قلتلك منى حاف من غير دكتورة
منى: ولا يهمك أنا متعودة على كدة وممكن تقوليلى منى حاف
ياسمين: أروح أفرح داليا
منى: اتفضلى
ياسمين: صباح الخير يا داليا أنا عزماكى فى حفلة كده
داليا: صباح النور حفلة إيه دى؟
ياسمين: حقولك دلوقتى
فاصل
ياسمين: يا جماعة يا جماعة
جماعة: نعم
ياسمين: أنا عزماكم كلكم على خطوبتى أنا وخالد الخميس الجاى
داليا: احلى خبر سمعته فى حياتى الف مبروك
ياسمين: ميرسى وعقبالك
داليا: قريب هاتسمعى خبر حلو
ياسمين: ليه مين سعيد الحظ؟
داليا: بلاش دلوقتى عندنا محاضرة
ياسمين: يا إما تقولى دلوقتى يا إما هاقولهم
داليا: لا خلاص اسمه شريف
ياسمين: الف مبروك
داليا: لا مش دلوقتى لسه هايقعد مع بابا وأهلى
فاصل
الحلقة السابعة
ياسمين: صباح الخير يا منى
منى: ياسمين فى ايه؟
ياسمين: أنا عازماكى على خطوبتى أنا وخالد الخميس الجاى
منى: ألف مبروك يا ياسمين والله فرحتلك
فاصل
ياسمين: أنا اسفة على أن أنا قولتلك منى حاف من غير دكتورة
منى: ولا يهمك أنا متعودة على كده وممكن تقوليلى منى حاف
ياسمين: اروح افرح داليا
منى: اتفضلى
ياسمين: صباح الخير يا داليا، أنا عزماكى فى حفلة كده
داليا: صباح النور حفلة اية دى؟
ياسمين: هقولك دلوقتى
فاصل
ياسمين: يا جماعة يا جماعة
جماعة: نعم
ياسمين: أنا عزماكو كلكم على خطوبتى أنا وخالد الخميس الجاى
داليا: أحلى خبر سمعته فى حياتى ألف مبروك
ياسمين: مرسى وعقبالك
داليا: قريب هاتسمعى خبر حلو
ياسمين: ليه مين سعيد الحظ؟
داليا: بلاش دلوقتى عندنا محضرة
ياسمين: ياإما تقولى دلوقتى يإما هقولهم
داليا: لا خلاص اسمه شريف
ياسمين: ألف مبروك
داليا: لا مش دلوقتى لسه هيقعد مع بابا وأهلى
فاصل
يوم الخطوبة
ياسمين: الفستان ده كويس
ميمى: أوى كويس أوى (تبكى)
ميمى: علشان ده اليوم اللى أى أم بتتمنى يوم زى ده لبنتها، مبروك
فاصل
فى الساعة التاسعة جاء العريس (خالد) ولكن كان معاده الثامنة والنصف (تأخر نصف ساعة)
ميمى: اتأخرت ليه يا خالد؟
خالد: علشان ماما كانت ………….
ميمى: محبكتش انهاردة
نعمة: بتقولى ايه يا أم العروسة؟
ميمى: ولا حاجة يا معلمة نعمة
ياسمين: شكلى حلو يا شادية؟
شادية: أنتى أحلى منى
ميمى: بسرعة يا ياسمين خالد وصل وأنت يا شادية تعالى معايا علشان تسلمى على خطيب أختك
ميمى: لولولولولولولوى
الناس والجيران: لولولولولولولوى
ميمى: يالا يا عريس لبس الدبلة لعروستك ………….. فى اليمين
قضت ياسمين وأهلها وأهل خالد وخالد يوم جميل ……….. لن تنساه ياسمين إلى الأبد.
الحلقة الثامنة
ميمى: أيوه مين اللى بيخبط علينا فى ساعة زى دى
ياسمين: مين ده اللى جايلينا الساعة دى
فتحت ياسمين الباب ولم تكن تعرف أن بنت خالتها رجعت من دبى وسألت ياسمين
ياسمين: أنتىٍ مين؟
دنيا: أنتىٍ مش عرفانى خلاص نسيتينى أنا دنيا بنت خالتك دودى
ياسمين: مش معقول دنيا بنت دودى كبرتى، حمد الله على سلامتك فين خالتى دودى
دنيا: أنا جيت لوحدى الله يسلمك
ميمى: مين يا ياسمين؟
فاصل
دنيا: أنا يا طنط
ميمى: الصوت ده أنا عارفاه مين دنيا وحشتينى، حمد الله على سلامتك
دنيا: الله يسلمك وانتِ كما وحشتينى
ميمى: عايزة حاجة؟
دنيا: معلش أنا صحيتك من النوم، أنا جايه ابات عندكم أسبوعين بس وهارجع تانى دبى
ميمى: تأنسى وتنورى
فاصل
ياسمين: ايه اخبارك لما روحتى دبى؟
دنيا: أنا كنت مخطوبة وفسخت خطوبتى بعد ما عرفت أن هو هايخطب واحدة تانية
ياسمين: اسمه ايه اللى كان خطيبك؟
دنيا: اسمه كريم وكيل نيابة
ياسمين شكت أن كريم اللى كان خطيبها الأول ولكن دنيا لم تعرف أن ياسمين كانت خطيبة كريم بعد.
الحلقة التاسعة
ياسمين: صباح الخير يا ماما، صباح الخير يا بابا
ميمى وعادل: صباح النور
ميمى: دنيا صحيت؟
ياسمين: لا معرفش
ميمى: طب صحيها وقوللها أن الفطار جاهز
ياسمين: اشمعنا أنا وقولى لشادية تعمل ده علشان …………..
عادل: علشان ايه؟
ياسمين: علشان أنا هاروح الجامعة مع خالد، باى
ميمى: معلش يا شادية صحى دنيا وقوللها أن الفطار جاهز
شادية: حاضر
فاصل
شادية: دنيا دنيا اصحى يا دنيا
دنيا: فى ايه؟
شادية: الفطار جاهز
دنيا: طيب أنا جايه قولى لخالتى أن أنا جايه
فى الجامعة
ياسمين: صباح الخير يا خالد يا حبيبى
خالد: صباح الفل والياسمين يا حبيبتى
داليا: يا سلام عليكم بقيتو توحشونى أكتر من مسلسلات رمضان
ياسمين: طيب يا خالد اقفلنا التلفزيون
داليا: يا عسل
فاصل
منى: صباح الخير يا جماعة
الجماعة: صباح النور
منى: دلوقتى هاناخد درس بيتكلم عن ازاى نحب اللى حوالينا وازاى لما تتجوزوا تعيشوا حياة سعيدة من غير مشاكل
ياسمين: يا دكتورة هو الكلام ده علشانى أنا وخالد
منى: لا مش أنتِ وخالد بس، ده لكل اللى بيحب
الحلقة العاشرة
مرت الأيام والسنين واتجوزت ياسمين يوم الخميس اللى فات وبعد 6 شهور من جوازهم وجت الاختلافات
خالد: أنتِ رايحة فين؟
ياسمين: رايحة عند ماما
خالد: ما أنت كل يوم بتروحيلها
ياسمين: أنا رايحة عند ماما يعنى رايحة عند ماما لو مش عاجبك طلقنى
بعد أسبوع من خناقات خالد وياسمين بعتلها خالد انذار بالطاعة واليوم التالى رجعت ياسمين لبيت زوجها خالد وفى وقت النوم
خالد: أنتِ بتعملى ايه يا ياسمين؟
ياسمين: رايحة هانام بره فى الصالون واشبع بالسرير وابقى ابعتلى انذار على هناك
فاصل
كل يوم كانت ميمى أم ياسمين تأتى تقضى النهار عند بنتها منذ الصباح للمساء وكل يوم لما بتمشى بتقولها نفس الكلام.
ميمى: اصمدى والمحاكمة بعد بكرة خليكى جامدة
الحلقة الحادية عشر (الأخيرة)
وجاء يوم المحاكمة وكانت ياسمين تحب خالد وجاء القاضى
القاضى: ليه يا مدام ياسمين طلبتى الطلاق؟
ياسمين: علشان كل يوم بيسألنى رايحة فين وجايه منين يا ترى هو ده العدل يا سيادة القاضى؟
القاضى: وأنت يا أستاذ خالد ايه رأيك؟
خالد: أنا بحبها وهافضل احبها وأنا بخاف عليها علشان كده كنت بسألها رايحة فين وجايه منين
فاصل
قالت الدكتورة منى لياسمين أن هى مازالت تحب خالد
وفكرت ياسمين فى ذلك ورأت فعلا أنها تحب خالد
القاضى: بعد الاطلاع على الأوراق وسماع الشهود حكمت المحكمة …………….
ياسمين: لا، أنا لسه بحبه يا سيادة القاضى
القاضى: متأكدة يا مدام ياسمين؟
ياسمين: أيوه
القاضى: حكمت المحكمة بعدم طلاق الزوجين، رفعت الجلسة
منى: أخيرا فتحتى عنيكى يا ياسمين
نعمة: أخيرا رجعنا أصحاب ونسايب تانى يا مدام ميمى
ميمى: أخيرا
ياسمين: طيب نستأذن أحنا بقى
ميمى: رايحين فين؟
خالد: اصل عندنا شهر عسل كمان شهر لازم ننام بدرى يا ياسمين
ياسمين: ياخالد
النهاية
نادين
14 سنة
