مسرحية سر الحياة
مسرحية سر الحياة
المشهد الأول
الراوى: بعد البريك حصة ميس نانسى والبنات بيحبوا ميس نانسى جدا.
البنات قاعدين مستنين ميس نانسى وأول ما دخلت الفصل بطلوا كلام وقاموا وقفوا
ميس نانسى: مساء الخير يابنات
البنات: مساء النور ياميس نانسى
ميس نانسى: عاملين ايه النهاردة؟ كويسين؟
البنات: الحمد لله كويسين
ميس نانسى: اتفضلوا اقعدوا
أنا عاملة لكم مفاجأة
البنات: ايه هى؟ ايه هى؟
ميس نانسى: بكرة حنروح رحلة لنهر النيل
والحصة دى حتبقى علشان حنعمل ديش بارتى فى طريقنا لهناك
الراوى: بعدها البنات روحوا قالوا لأهاليهم وكانوا فرحانين جداً جداً
المشهد الثانى
الراوى: فى يوم الرحلة كانت ميس نانسى مستنية البنات، وأول ما وصلوا فى مكان التجمع فى المدرسة قالت لهم
ميس نانسى: يللا بسرعة يا بنات لاحسن نتأخر، جبتوا كل حاجة؟
البنات: أيوة يا ميس جبنا كل حاجة.
ميس نانسى: يللا نركب الباص علشان نوصل هناك بسرعة.
الراوى: فى الباص ميس نانسى قعدت تتسلى معاهم فى الطريق باللعب وعملوا الديش بارتى ولما وصلوا لمكان الرحلة وقفوا على الكوبرى اللى فوق نهر النيل.
ايمى: الله النيل شكله جميل جداً والمياة صافية، أنا ماكنتش فاكرة انه حيكون جميل قوى كدة
مايا: ياخسارة على النيل لأن بعض الناس بيرموا فيه حاجات مش نضيفة بالرغم من اننا بنشرب منه.
جيسيكا: معاكى حق يا مايا
فيه ناس بتتعب جداًعلشان تنضف المياة دى علشان الناس تشربها
لازم نطلب من الناس كلها المحافظة على نضافة مية النيل
جوليا: بس احنا صغيرين مين حيسمع كلامنا لما نطلب كدة
مايا: بس احنا لازم نعمل اللى علينا وان شاء الله الناس حتفهمنا
ايمى: يارب يحصل كدة والناس تفهمنا وتحافظ على مية النيل
لو انتم ناويين تكلموا الناس أنا معاكم يا بنات
جيسيكا: وأنا معاكم
مايا: وأنا كمان معاكم
جوليا: وأنا برضه معاكم
ميس نانسى: (تصفق) برافوا عليكم يا بنات وأنا كمان حكون معاكم وحساعدكم
الراوى: ياترى البنات حيعملوا اللى قالوا عليه ولا ده كان كلام وخلاص
جيسكا وجوليا: احنا نفسنا قوى نحقق الحلم ده ونلاقى الناس كلها بتحافظ على مية النيل
مايا: لو احنا بذلنا مجهود جامد حنقدر نحقق حلمنا
المشهد الثالث
الراوى: وفعلا بدأوا مع أصحابهم والمدرسين
وقال لهم قولوا لكل الناس اللى تعرفوهم
ياترى هينجحوا ولا ايه !!!
ايمى: ها عملتوا ايه؟
جوليا: أنا قلت لفصل 5A و 5C
جيسيكا: أنا كمان قلت 5D و 5B
ميس نانسى: وأنا قلت لكل المدرسين Lower و Upper و Prep
مايا: أنا جاتلى فكرة روعة – احنا نعمل اذاعة ونتكلم فى الموضوع ده
ايمى: يا قادرة يا مايا جبتى الفكرة دى منين
ميس نانسى: اتفقوا على أى حاجة وأنا موافقة على اللى حتعملوه!! ماشى !!
البنات: حاضر يا ميس
الراوى: وفعلا عملوا كده وقالوا كدة فى الاذاعة المدرسية وطلبوا من كل الناس أنهم يحموا نهر النيل.
وانتم كمان احموا نهر النيل علشان فى ناس كتير بيتعبوا جداً لما يشربوا المية دى وهى مش
نضيفة أرجوكم تعملوا كده علشان المية تبقى نضيفة.
رواية من تأليف
مارى
10 سنوات
